Plantun de Prouvènço

Pèr coumpara dos planto d'encò nostre

Samolus valerandi & Scleranthus annuus

Mourihoun-d'aigo

Samolus valerandi

Primulaceae

Autre noum : Pan-froument.

Nom en français : Mouron d'eau.

Descripcioun :
Lou mourihoun-d'aigo es uno pichoto planto renadivo que trachis en ribo d'aigo. La maje-part di fueio soun basalo, d'un verd palinous. Fai de pichòti flour blanco di 5 sepalo e petalo en longo paniculo.

Usanço :
Poudès acampa lou mourihoun-d'aigo e lou manja en ensalado (pan-froument).

Port : Erbo
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Samolus
Famiho : Primulaceae

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Ribiero - Palun
Estànci :
Couroulougi : Pancaro entresigna
Ref. sc. : Samolus valerandi L., 1753

Gnavello(-de-l'an)

Scleranthus annuus

Caryophyllaceae

Nom en français : Gnavelle annuelle.

Descripcioun :
Aquelo planto, proun ramificado, se tirasso sus la sablo e lis endré trepeja. Sus si tijo se podon vèire uno à dos bando de péu crespu. Li fueio soun redo e en long. Li flour, verdo, soun pas bèn grosso e fan d'enflourejado agroumelado. La subsp. presentado eici, emé de flour gaire duberto e que trachis dins li mitan primàri, ié dison polycarpos. Coumpara emé la gnavello-renadivo.

Usanço :
Fai partido dóu group (38 meno) de flour dicho "de Bach". Ramenten que lou mege, Dr Edward Bach (1886-1936), adoubè de poutingo de flour que dèvon "armounisa l'equilibre epsichique de la persouno". La gnavello permetrié de prendre de decisioun. En Poulougno, au siècle passa s'acampavo li babo de vermèu (Coccus Polonicus) que reston sus li racino pèr n'en faire un coulourant rouge.